Luk 12 | Ndebele | STEP | Kusenjalo sezibuthene izigidi zexuku, baze banyathelana, waqala ukukhuluma labafundi bakhe kuqala : Lina xwayani imvubelo yabaFarisi , eyikuzenzisa .

1 Kusenjalo sezibuthene izigidi zexuku, baze banyathelana, waqala ukukhuluma labafundi bakhe kuqala ^a: Lina xwayani imvubelo yabaFarisi ^b, eyikuzenzisa ^c.

2 Njalo kakukho okumbomboziweyo, okungayikwembulwa, lokufihliweyo, okungayikwaziwa ^d. 3 Ngakho loba yini eliyikhuluma emnyameni izazwakala ekukhanyeni; lelikukhulume endlebeni ezindlini zensitha ^e kuzamenyezelwa phezu kwezindlu ^f.

Omele ukwesatshwa

4 Njalo ngithi kini bangane bami: Lingabesabi ababulala umzimba, njalo emva kwalokho bengelakho ukwenza olunye ulutho ^g. 5 Kodwa ngizalitshengisa elifanele ukumesaba: Mesabeni lowo othi esebulele abe lamandla okuphosela esihogweni; yebo, ngithi kini: Mesabeni yena ^h. 6 Kazithengiswa yini intaka ezinhlanu ngendibilitshi ezimbili? Kakukhohlakali lanye yazo phambi kukaNkulunkulu ⁱ. 7 Kanti lenwele zekhanda lenu zibaliwe zonke. Ngakho lingesabi; liyazedlula intaka ezinengi.

8 Njalo ngithi kini: Wonke loba ngubani ongivuma phambi kwabantu, iNdodana yomuntu layo izamvuma phambi kwengilosi zikaNkulunkulu ^j; 9 kodwa ongiphika phambi kwabantu uzaphikwa phambi kwengilosi zikaNkulunkulu ^k.

10 Laye wonke okhuluma ilizwi elimelana leNdodana yomuntu, uzathethelelwa; kodwa lowo ohlambaza uMoya oNgcwele kayikuthethelelwa ^l.

11 Njalo nxa belisa emasinagogeni ^m lakubabusi ^{n
,} ^o leziphathamandla ^{p
,} ^q, lingakhathazeki ukuthi lizaphendula njani kumbe liphenduleni, kumbe lizakhulumani ^r; 12 ngoba uMoya oNgcwele uzalifundisa ngalelohola izinto elifanele ukuzikhuluma.

Umfanekiso womlimi onothileyo

13 Futhi omunye wexuku wathi kuye: Mfundisi, akutshele umfowethu abelane lami ilifa. 14 Kodwa wathi kuye: Ndoda ^s, ngubani ongimise ukuthi ngibe ngumahluleli loba umehlukanisi phezu kwenu ^t? 15 Wasesithi kubo: Nanzelelani liqaphele ubuhwaba, ngoba impilo yomuntu kayikho ebunengini bezinto alazo ^u.

16 Wasebatshela umfanekiso, esithi: Insimu yomuntu othile onothileyo yathela kakhulu; 17 wasenakana ngaphakathi kwakhe ^v, esithi: Ngizakwenza njani, ngoba kangilandawo lapho engingabuthela khona izithelo zami ^w? 18 Wasesithi: Ngizakwenza lokhu; ngizadiliza iziphala zami, ngakhe ezinkulu ^x, ngibuthele khona izilimo zami zonke lempahla yami ^y, 19 besengisithi kumphefumulo wami: Mphefumulo, ulempahla ezinengi ezibekelwe iminyaka eminengi; phumula, udle, unathe ^z, uthokoze ^aa. 20 Kodwa uNkulunkulu wathi kuye: Siphukuphuku ^ab, ngalobubusuku umphefumulo wakho uzabizwa ^{▼▼ uzabizwa: Gr. bazabiza.} kuwe ^ad; pho izinto ozilungisileyo zizakuba ngezikabani ^ae? 21 Kunjalo-ke kozibekela inotho ^af, kodwa enganothanga kuNkulunkulu ^ag.

Ukukhathazeka, lokuthemba kuNkulunkulu

22 Wasesithi kubafundi bakhe: Ngakho ngithi kini: Lingakhathaleli impilo yenu, ukuthi lizakudlani; loba umzimba, ukuthi lizakwembathani. 23 Impilo yedlula ukudla, lomzimba isembatho ^ah. 24 Qaphelisisani amawabayi, ukuthi kawahlanyeli, njalo kawavuni ^ai, kawalasiphala ^aj loba isilulu ^ak, kanti uNkulunkulu uyawondla; lina lizedlula kangakanani ^al inyoni? 25 Njalo nguwuphi kini ongathi ngokuphiseka engezelele ingalo ibenye ^am ebudeni bakhe ^an? 26 Ngakho nxa lingelamandla okwenza into encinyane, liphisekelani ngokunye? 27 Qaphelisani imiduze ukuthi ikhula njani; kayitshikatshiki, kayiphothi, kodwa ngithi kini: LoSolomoni ebucwazicwazini bakhe bonke wayengembathiswanga njengomunye wayo. 28 Njalo uba uNkulunkulu esembathisa ngokunjalo utshani obukhona lamuhla egangeni, kuthi kusasa buphoswa eziko, uzalembathisa ngokukhulu kangakanani, lina abokholo oluncinyane ^ao? 29 Lani-ke lingadingi elizakudla lelizakunatha; njalo lingakhathazeki. 30 Ngoba konke lokhu izizwe zomhlaba ziyakudinga; kodwa uYihlo uyazi ukuthi liyaziswela lezizinto. 31 Kodwa dingani umbuso kaNkulunkulu, njalo zonke lezizinto zizakwengezelelwa kini. 32 Lingesabi ^ap, mhlambi omncinyane ^aq; ngoba kuyikuthanda kukaYihlo ^ar ukulinika umbuso ^as.

33 Thengisani impahla zenu ^at liphe izipho ^au. Lizenzele ^av imixhaka engagugiyo ^aw, impahla eligugu engapheliyo emazulwini, lapho okungasondeli isela khona ^ax, lenundu engoni khona ^ay; 34 ngoba lapho okukhona impahla yenu eligugu, izakuba khona lapho lenhliziyo yenu ^az.

Umfanekiso wenceku ethembekileyo

35 Inkalo zenu kazihlale zibotshiwe ^ba, lezibane zenu zibhebha ^bb; 36 lani libe njengabantu abalindele inkosi yabo, lapho izabuya ivela emtshadweni ^bc, ukuze, nxa ifika iqoqoda, bahle bayivulele. 37 Zibusisiwe lezozinceku ^bd, okuzakuthi inkosi nxa ifika izifice zilindile ^be; ngiqinisile ngithi kini: Izabhinca ^bf, izihlalise ekudleni, isondele izisebenzele ^bg. 38 Njalo nxa ifika ngomlindo wesibili ^bh, kumbe ifika ngomlindo wesithathu ^bi, futhi izifice zinjalo ^bj, zibusisiwe lezozinceku. 39 Kodwa yazini lokhu, ukuthi uba umninindlu ebelazi ihola isela elizafika ngalo ^bk, ubezalinda ^bl, futhi ubengayikuvuma ukuthi indlu yakhe ifohlelwe. 40 Ngakho lani-ke hlalani lilungile ^bm; ngoba ngehola elingalicabangeliyo iNdodana yomuntu izafika ^bn.

41 UPetro wasesithi kuye: Nkosi, uwutshela thina lumfanekiso ^bo, kumbe labo bonke yini ^bp? 42 INkosi yasisithi: Pho ngubani umphathi wezinceku othembekileyo lohlakaniphileyo, inkosi ezambeka phezu kwabendlu yayo, ukuze abanike isabelo sabo sokudla ngesikhathi esifaneleyo ^bq? 43 Ibusisiwe leyonceku, okuzakuthi inkosi yayo nxa ifika iyifice isenza njalo. 44 Ngiqinisile ngithi kini: Izayibeka phezu kwakho konke elakho. 45 Kodwa nxa leyonceku isithi enhliziyweni yayo: Inkosi yami iphuzile ukubuya; njalo ibisiqala ukutshaya izinceku lezincekukazi, lokudla lokunatha lokudakwa, 46 inkosi yaleyonceku izafika ngosuku engayilindele ngalo, langehola engalaziyo; izayiquma phakathi, izanika isabelo sayo lalabo abangathembekanga ^br.

47 Laleyonceku ebisazi intando yenkosi yayo ^bs, kodwa ingalungiselanga njalo ingenzanga ngokwentando yayo ^bt, izatshaywa imivimvinya eminengi ^bu. 48 Kodwa leyo ^bv ebingayazi, yenza okufanele ukutshaywa ^bw, izatshaywa imivimvinya emilutshwana ^bx. Laye wonke ophiwe okunengi, kuzadingwa okunengi kuye ^by; lalowo ophathiswe okunengi, kuzabizwa kuye okungaphezulu ^bz.

Izibonakaliso zezikhathi

49 Ngize ukuphosela umlilo emhlabeni ^ca, futhi kuyini engikufisayo nxa usubasiwe ^cb? 50 Kodwa ngilobhabhathizo engizabhabhathizwa ngalo ^cc, futhi ^cd ngicindezelwe ^ce kangakanani luze lupheleliswe ^cf. 51 Licabanga ukuthi ngize ukunika ukuthula emhlabeni yini ^cg? Hatshi bo, ngithi kini, kodwa kulalokhu ukwehlukana ^ch. 52 Ngoba kusukela khathesi abahlanu endlini yinye bazakwehlukana, abathathu bamelane lababili, lababili bamelane labathathu, 53 bazakwehlukana, uyise amelane lendodana, lendodana imelane loyise; unina amelane lendodakazi, lendodakazi imelane lonina; uninazala amelane lomalokazana wakhe, lomalokazana amelane loninazala ^ci.

54 Wasesithi lemaxukwini: Nxa libona iyezi ^cj lisukuma entshonalanga ^ck, lihle lithi: Izulu liyabuya; futhi kube njalo. 55 Njalo nxa libona umoya weningizimu uphephetha, lithi: Lizatshisa; besekusenzakala ^cl. 56 Bazenzisi! Liyakwazi ukuhlola umumo wesibhakabhaka lowomhlaba; kodwa lesisikhathi kungani lingasihloli ^cm?

57 Pho, kungani ukuthi lingahluleli lani lina uqobo lwenu okulungileyo ^cn? 58 Ngoba nxa usiya ^co lomangalelene laye kumantshi ^cp, endleleni yenza ubungcono ukuthi ukhululwe kuye; hlezi akudonsele kumahluleli, lomahluleli akunikele epholiseni, lepholisa likuphosele entolongweni. 59 Ngithi kuwe, kawusoze waphuma khona, uze ubhadale lenhlamvu encane yemali yokucina.